同社咖啡室

標題: 六條蔥醫感冒 [打印本頁]

作者: 鄧姑 時間: 2011-3-21 23:52
標題: 六條蔥醫感冒

中醫話因為蔥嘅根部，有好多微量元素，有助提升免疫力同抗氧化，係抵抗感冒嘅最好食療。

每次感冒，返屋企煮蔥水飲，飲完大覺瞓，第二日已經好.

對初起嘅感冒真係有效。估唔到幾條蔥就可以擊退感冒，如果飲完一碗未好番晒，第二日再飲多碗，飲到第三日一定好番。

材料：蔥 6條

煮法：將蔥連根洗淨，只要葱根及底部白色蔥頭向上6吋，放一碗水（蔥要凍水落）煲5分鐘即飲。

中醫見解

張醫師：蔥水呢個方法係有效，因為蔥水可散風寒，對偏寒性感冒（鼻水稀兼有鼻塞）效果較為顯著。

後記：上星期有朋友患感冒，即煲蔥水飲，翌日果然痊癒大半，再飲多碗即完全好番，非常神奇。

不過..而家d蔥好貴, 6條蔥..我諗要6蚊雞...

歡迎光臨同社咖啡室 (http://forum.akinalliance.org/discuz/)