同社咖啡室

標題: 遊貝納祺徑、挺走木棧道延至(11月16日) [打印本頁]

作者: 鄧姑 時間: 2008-10-2 10:51
標題: 遊貝納祺徑、挺走木棧道延至(11月16日)
行程：從石壁水塘起步,跨過引水道小橋後緩登貝納祺徑,小徑沿途種植了台灣相思、紅膠木及愛氏松等.而小徑傍著山下的石壁水塘而行,途中經過中..西狗牙的登山入口.到達昂坪，鳳凰山下的「鳳凰觀日」牌坊,及「心經簡林」..午餐於昂坪食齋,餐後續到「昂坪市集」襯熱鬧,後程走經蓮池寺,接昔日由加拿大騾仔協助開闢的昂砰360吊車山徑回落東涌散隊..

心經簡林是由國學大師饒宗頤教授贈予香港市民的《心經》墨寶,並將整篇書法分別刻於38條木柱上,以大型戶外木刻的方式展示,近似古時書於竹簡,因此為「心經簡林」,心經的全名是《般若波羅蜜多心經》（原文摘自：香港旅遊發展局）。

吊車木棧道：此山徑實為昂坪纜車的緊急事故救援之用，築山徑的同時，亦因應郊野當局的要求,盡量減少對環境的破壞及保存郊野的原始氣息,故全徑採用了經防蟲及防火處理的松木建造..走在這條木棧道上,纜車與行山者可近距離並棑而行,亦可互相打過招呼.今次沿途下山較舒服, 景觀方面,天朗氣清的日子, 可俯瞰整個赤立角機場, 遠眺青山及龍鼓沙洲等...

日期: 2008年11月16日 (星期日)
集合時間: 上午9時30分(敬請準時, 逾時不侯)
集合地點: 東涌地鐵站A出口
回程時間: 約下午五時
難度 : 2 粒★
起點: 石壁水塘
終點: 東涌
行程: 5.5小時
里數: 10.0公里
領隊: 鄧群英

溫馨提示:
~~ 全程早段稍斜, 吊車徑下行雖舒服但有段路長斜, 不宜急走.. ...
~~ 午餐於昂坪食齋, 但亦要帶簡單糧食及充足水..
~~ 天氣炎熱請穿著快乾透風衣著, 以免中暑..亦請帶備足夠防曬物品...
~~ 如不行吊車徑的, 可於昂坪自行離隊, 乘360吊車至東涌, 但不鼓勵..

其他: 帽, 防曬用品, 風褸, 毛巾, 後備乾糧, 水果, 零食, 電筒, 行山杖, 地圖, 指南針, 急救藥品, 手提電話, 同埋要講低俾屋企人知... ...

敬請準時, 遲到者如自行追隊, 責任自負

免責聲明: 所有參與同社發起的活動都屬自願性質. 同社對於因籌辦或參加有關活動而可能直接或間接引致之任何損失、損壞或傷害(包括死亡),並不負任何法律承擔或責任(包括疏忽責任)

[ 本帖最後由鄧姑於 2008-11-11 00:32 編輯 ]

作者: Franco 時間: 2008-10-6 19:55
貝納褀徑因山泥傾瀉已封, 請留意.

作者: 鄧姑 時間: 2008-10-9 10:16

原帖由 Franco 於 2008-10-6 19:55 發表
貝納褀徑因山泥傾瀉已封, 請留意.

多謝Franco報料..我已send email查問情況, 萬一真係山泥傾瀉嚴重, 不可通行..我再另覓行徑..thanks..

作者: 鄧姑 時間: 2008-10-31 12:20

作者: 鄧姑 時間: 2008-11-1 12:55
因天氣關係, 明天吊車徑行山耍取消..延至11月16日

作者: 黎猛 時間: 2008-11-4 03:37
標題: 回復 4# 鄧姑的帖子
鄧姑:

點樣可以找到這些可活動的圖形, 請指點一下.

作者: 鄧姑 時間: 2008-11-12 23:35

原帖由黎猛於 2008-11-4 03:37 發表
鄧姑:

點樣可以找到這些可活動的圖形, 請指點一下.

黎猛...d公仔我多數係呢度攞..或有時係其他網見到得意就copy 落黎..

http://www.dchome.net/emote/

作者: 鄧姑 時間: 2008-11-13 10:02

起行啦...今個星期日...不見就散...

作者: 鄧姑 時間: 2008-11-14 09:56
今個星期日集合後於東涌巴士總站乘11號巴士往石壁水塘下車, 由石壁郊遊徑(則具納祺徑)上昂坪.

由於部份路段因山泥傾斜後尚有碎石, 所以大家最好帶行山杖.

中午於昂坪大休一小時, 大家可往寶蓮寺內進食齋菜或自携的午餐, 為尊重佛門地, 自携午餐不可有任何肉食製品, 請大家合作.

作者: avuso 時間: 2008-11-14 22:31
吓....., 咁自己啲肥肉点算, 咁都係唔去啦!!!!

作者: 鄧姑 時間: 2008-11-14 22:39

原帖由 avuso 於 2008-11-14 22:31 發表
吓....., 咁自己啲肥肉点算, 咁都係唔去啦!!!!

你再唔行就好似你阿哥咁....肉帶環腰喇...

作者: 鄧姑 時間: 2008-11-15 23:39

作者: 鄧姑 時間: 2008-11-17 09:13
平靜的石壁水塘

昨日一行16人又出發了..

[ 本帖最後由鄧姑於 2008-11-17 09:16 編輯 ]

作者: 鄧姑 時間: 2008-11-17 09:19
石壁郊遊徑雖已受山泥傾斜已封閉...但我們還是繼續行, 沿途林蔭路..風景也不錯...

作者: 鄧姑 時間: 2008-11-17 09:24
在今年6月一場豪雨, 令大嶼山嚴重泥石流...你看看這些河澗泥石..可想當日的情況非常厲害...

作者: 鄧姑 時間: 2008-11-17 09:29
遠望一楝楝的心經簡林...昂坪已到...

作者: 鄧姑 時間: 2008-11-17 09:31
昂坪路上遊人如銅鑼灣/旺角....

作者: 鄧姑 時間: 2008-11-17 09:34
速速午餐後..我們便趕下山...漫行吊車徑..騾仔路...

作者: 鄧姑 時間: 2008-11-17 09:42
沿途吊車也有很多人向我們揮手...隱隱聽到他們說...." 你地好辛苦呀!!"

頓時我便向他們叫喊..." 你地有錢人便有車坐, 我地窮人便要行囉..哈哈.."

[ 本帖最後由鄧姑於 2008-11-17 16:57 編輯 ]

作者: 鄧姑 時間: 2008-11-17 09:54
總結這條吊車徑是值得走一次的...下山明顯是不太辛苦..再加上大部份是木板路...木板的反彈行起來膝蓋受損度也減輕, 最辛苦是最後那段落山路, 全程石級..嘩..落完後對腳震震下..真攞命...

不過, 如相反行..由東涌上..就真係金..金..金....

歡迎光臨同社咖啡室 (http://forum.akinalliance.org/discuz/)