暢談衝勁營

鄧姑

日前因收集資料製作DVD光碟...發覺同社這個長壽節目, 已舉辦了三十二屆...直至2006年便停下來..

這個多元化的戶外康樂活動.....從相片中我找到年輕的同社...

而我亦堅信無論是參與者或策劃者...衝勁營都能帶給他們精彩而又豐富的人生歷程...

開設此專區..是希望大家能發表意見...對未來的衝勁營可有憧憬...還是至此就讓它從此消失....

何思銘(高佬)

繼續Trek camp要面對既問題好多, 有主觀同客觀因素, 略列如下

1. 香港夏天愈來愈熱, 對戶外活動黎講係唔適合

2. 當05同06年試過搞秋天Trek Camp時, 又會因為時間接近大專既mid-term, 而且大專學院9-10月迎新已經吸納左部份大專學生既熱情同金錢時, 要吸引大專學生會比較困難

3. 現時市面亦都有不少類似課程, 亦有專職全日職員負責, 相比起來, trek camp缺乏吸引力

4. 大部份同社年輕社友(不計第二代)都已經離開學校, 好少再有時間響平日去搞活動

5. 當然, 我地既心態都有改變到, 呢個亦係無奈既答案

Trek Camp既前景, 其實我曾經諗過, 應該係同社區組織或學校合作, 響暑假期間搞3-4星期既活動, 主要目標係中四至中七學生, 比佢地認識野外求生, 了解野外活動, 再加上社會服務

而家既學校, 都開始注重學生響考試後或暑假期間既活動, 從呢個方面入手會較好, 我自己分析既優缺點如下

1. Band 3既學校, 好似我A-Level們讀過既伊斯蘭中學, 其實早就有類似活動, 而亦有專門老師去帶, 但相信老師既質素會較參差, 山藝技術唔會好高, 我地有好多山藝經驗豐富既朋友, 可以作為技術協助或協助統籌

2. 唔少既社區中心, 資源唔夠去搞呢類活動, 我地可以協助或合辦

3. 如果唔係由同社主辦, 我地就少左自主性, 可能唔會再叫Trek Camp, 或者經常要同學校/社區中心去開會, 籌備既時間要更加長

4. 參與成員唔夠18歲, 活動安全問題要好好考慮

5. 活動收入支出亦會係大問題

經常覺得, 社會正在改變, trek camp既方向同面對既層面可以闊D, 大專學生或在職青年對呢D活動既熱誠係少左, 而邊青/低收入家庭子女係我地應該要照顧既新對象

梁林

I agree with your views.

鄧姑

衝勁營之於同社猶如雞肋, 嚼之無味, 棄之可惜..

30多年的情意結, 每次籌辦前很期待...進行時很辛苦...完結後又很失落..

很認同何思銘的分析, 畢竟時代已變...如衝勁營仍是舊模樣..以"快餐/罐頭"式出現, 實缺乏吸引力..

但..從此便消失...就有點不甘心...

再諗諗..

何思銘(高佬)

其實同其他學校或社區組織合作, 都係叫trek camp, 只係性質改變左, 自主性低左, 但如果同社要新血, 呢個係好辦法

如果響中學階段吸引一班朋友, 應該可以維持到一段長時間, 應該好多現在同社資深社員都係當年補習班嘛, 相同道理

但係我地作為搞手既, 積極性一定低左, 因為少左自主性, 同埋要有安全, 更加要帶埋中心職員/老師呢, 如果之間有唔同意見都幾煩下

王婉平

我們之前也有同類合作經驗，問題不大。

如果有策劃者可以見證衝勁營三十二屆的所有參加者，不難發現人類價值觀不停轉變，打算自我提升的人，自己會懂得搜尋課程去
提升自己，以"快餐"方式運作不是問題，這是市場有求必有供的道理，但是現今社會主流生活方式是「被動享樂主義」，參加trek camp/山藝
活動人數又佔人口百分比是很很很很很很小，如果把衝勁營包裝到一個「有助入讀名校的必修課程」或「結識異性的速配活動」，一定有市場!
當然衝勁營本身不是一個商業為先的活動，如果是一個回饋社會的活動，又沒有正式薵款來源，必然有活動收入支出問題，我贊成低收入家庭子
女參加衝勁營"暑期活動"，但是$300活動費呢?

王婉平

費用不是最大問題，最緊要有計劃之余，有人執行一切，用心去做。

toby

"香港夏天愈來愈熱, 對戶外活動黎講係唔適合"
除左係「熱」之外, 空氣污染亦相當嚴重, 直接地影響到呼吸系統。

um.....
假如只不過係"情意結"，咁就當「見好就收」黎劃上句號好了。

一般城市人在活動中遇熱及空氣污染隨時猝死

有「丁點」意外發生，無論大小對錯，策劃者隨時變成「欣宜白雪公主」，被這個情緒社會圍攻...

目標攪個 衝勁營 online game 算啦... 時代真的已變...

Raymond

好老實,
TrekCamp參加人數由01年64人，03年48人，慢慢去到最後兩年得番10個12個.......
太多競爭係一個問題，以前邊有咁多同類型活動??
學校、社區中心都冇攪呢d活動，我地唯一的競爭對手就只有XX社，
但宜家連佢地都收生不足，甚至連一d有全職職員的社區中心攪的同類型活動都只收到12個人..........

另外，同社內部都沒有大力支持TrekCamp，曾經試過想9月開始著手攪下年度暑假的TrekCamp，結果幹事會一時又話未批，一時又話會有新改革，最後拖到4月叫我地"拿拿淋"搞埋佢.....活動期間也不見得有幹事會的人出現過.......

現時同社也不見得再有甚麼活動舉行，唯一持續進行的也只有"保良局服務"。攀石組和山藝組早已不知所蹤，哪裡來的教練和人手去籌辦如此大型的活動?

我都係TrekCamp出身，有時諗番點解TrekCamp冇左，都會嘆句唏噓無奈.......
"愛之深責之切"，反而認同toby的話，回憶是美好的，不如 "見好就收"，留個美好回憶算了。

Rocky

Dear All,

For my opinion, even epoch changed, the need of youth changed, weather / environment changed, but our heart and logos still keep and NOT CHANGED, RIGHT?

So, if you still have determination, you can do everthing, you just want to think about the method and well planning to match all, of course the major point is you need the strong back up La!

Do you remember the " 第三屆青訓班 ", for that half years long period course we stopped over 10 years from
"第二屆青訓班" , at that time when we also thing about is it possible to regeneneration? but the answer all of you well known currently, >>>SUCCESSFULLY<<<, so, the point just do ask yourself,
YOU WANT TO DO IT? or you won't do it?  IF you choice DO IT, you can test you personal and team power no matter the result is ?  But if you choice NO, you will never know the answer.....


Finally, I'm not encourage to restart the "Trek camp", I just tell you what my experience such as I plan the "Trek Camp" and  第三屆青訓班 when I in youth.

鄧姑

剛收到一位朋友仔的email...對衝勁營及同社的睇法..值得大家參詳...


鄧姑:

我對是否重辦衝勁營是沒有意見的。沒有衝勁營，有人會覺得可惜，每年好似少左d野咁。有衝勁營，大家好似有d原因每年去聚會幾次。

我倒覺得幹事會是需要考慮一下衝勁營的功用及舉辦的目的及意義是甚麼。衝勁營只是個tool，唔辦衝勁營或是辦其他類似或者不類似的活動，同樣可以帶出同樣的meaning and message。

至於以前的衝勁營搞手，我現在已經很少跟他們聯絡了，我都是從不同的人口中聽聞大家的近況(「遠」況)，我知道他們部份人跟了其他團體玩，亦有些人已經失蹤於戶外活動中。但如果日後會舉辦衝勁營或類似的活動，我相信以前的那班小伙子，都會走番出黎幫手，畢竟衝勁營在他們心中都有一點點位置罷(突然想起好似「功夫足球」咁，周星馳找師兄弟出山，佢次次碰壁，但其實各師兄弟心中都有一團火)。大家耐唔耐都會提下或者問下今年會唔會有衝勁營，大家都話會幫手做helper，但大家卻不想當總指揮。

我不覺得現在的同社是暮氣沉沉。同社是大同的，以年齡計，就包括老中青三輩。可能衝勁營都要休息一下，有句話是「休息是為了走更長遠的路」。依家衝勁營休息的時候，就有鄧姑既行山及旅遊團。衝勁營休息幾長幾短都可以，但我覺得是否原地踏步最重要。

何思銘(高佬)

其實鄧姑轉post既朋友既內容非常正確, 如果為左延續trekcamp而繼續, 係無意思既,

我地唔可以唔認, 而家既年輕人少左行山, 同時我地亦要面對80年代尾開始出生率下降而少左年輕人.......咁既時候應該係改變trek camp性質或者面對既層面

如果唔係, 無人/少人報名只係遲早既事

希望今年既幹事會考慮下

toby

原帖由 harrylo 於 2008-9-23 02:01 發表
攪個 衝勁營 online game 算啦... 時代真的已變...

呢個 idea, 用黎做宣傳的話, 應該幾過癮。我撐！

我曾經想, 當初是為甚麼誕生出"衝勁營"?
而現在呢個地方這個時候, 大家需要些甚麼？我們又能提供些甚麼？