月餅送暖2010 ~~ 18-19/9/2010

小劉 · 發表於 2010-9-17 23:52:54

鄧姑, 我要明天要下午放工2點後才可到, 我剛看到要9點集合, 還需要幫手嗎?

[ 本帖最後由小劉於 2010-9-17 23:56 編輯 ]

鄧姑 · 發表於 2010-9-17 23:39:32

明天答應左黎的朋友..唔好唔到呀..大軍殺到..我擋唔到架..9點前好到喇!

今日除繼續整左好多月餅外..更整左好多野食....有..糕啦..治啦..鹵啦..湯啦..仲有..好多..不過係要來招呼客人架.

鄧姑 · 發表於 2010-9-17 23:29:31

原帖由 Raymond 於 2010-9-17 20:07 發表
鄧姑 ---- Raymond由於不能確定出席時間，所以決定退出星期六的活動。 SORRY。

嘿..嘿...

鄧姑 · 發表於 2010-9-17 23:29:08

原帖由 socheung 於 2010-9-17 00:14 發表
鄧姑 ---- 蘇樂怡由於不能確定出席時間，所以決定退出星期六的活動。 SORRY。

嘿..嘿...

Raymond · 發表於 2010-9-17 20:07:17

鄧姑 ---- Raymond由於不能確定出席時間，所以決定退出星期六的活動。 SORRY。

socheung · 發表於 2010-9-17 00:14:34

鄧姑 ---- 蘇樂怡由於不能確定出席時間，所以決定退出星期六的活動。 SORRY。

鄧姑 · 發表於 2010-9-16 23:43:40

原帖由 alice 於 2010-9-16 13:45 發表
Sorry鄧姑，昨天上了大陸做野，18/9 中午前到但19/9 我有事無法來幫手。So sorry!

阿妙...冇問題啦..今日你仔仔好乖, 幫我做左好多野...值得嘉獎呀!

鄧姑 · 發表於 2010-9-16 23:41:59

今日多得林雋樂, 餅嫂, 王婉平, 周妹及Carman幫手...短短幾個鐘已做好150多個月餅喇...雖然距離達標還有一段路..快喇..明天繼續呀!

更多得蘇彰..馬北幫手清潔及執拾雜物, 現小屋已渙然一新...好企理...個個雖然做到汗流浹背..但辛苦過後見到小屋咁乾淨...d月餅又香又靚...辛苦也值得的..

明天專攻整冰皮...希望星期六唔好失禮人就好喇...小屋好似好耐都未有接待過貴賓喇...

林雋樂話明天還會美化小屋...攞阿爸/阿媽d靚靚花花來佈置添...真乖仔..

.

alice · 發表於 2010-9-16 13:45:06

Sorry鄧姑，昨天上了大陸做野，18/9 中午前到但19/9 我有事無法來幫手。So sorry!

鄧姑 · 發表於 2010-9-15 23:53:37

來幫手的所有朋友記得帶圍裙呀! 其餘的膠手套...帽..口罩...我已準備妥..

到時我請大家飲凍酸梅湯..及臭草綠豆沙....

是次月餅除廣式月餅外, 還會整冰皮月餅..餡料有綠豆蓉...鳳梨餡...榴槤餡..普浬茶黑芝麻蓮蓉餡及美味的五仁合桃火腿月餅, 除送給長者外, 其餘大家也可取一些回家過節的...分2個裝及四個裝的...每盒價錢將$20元~$35元, 視乎餡料及數量而定...五仁應該最美味但就最貴...量也很少約有3K左右,

鄧姑 · 發表於 2010-9-15 23:27:20

一則烏龍事..

話說今日我到小屋核點一下已買的月餅材料是否足夠及遺漏....與及搓左一包粉, 準備明天試製月餅, 點知包粉搓完後有點異樣, 同往年不一樣....很黏手...是什麼問題呢?

定神細看那裝粉的膠袋, 大吃一驚.

.嘩, 點解..整月餅要用麵粉架, 點解我買左糯米粉....嚇死我..唔怪得之包粉咁差啦..

嗱嗱臨拖著15包糯米粉飛奔往上海街店舖...好在店舖未收工, 並馬上肯幫我轉換番麵粉....好在早發現..如果唔係就變左焗糯米糍月餅喇...

你話我幾失魂丫...哈

鄧姑 · 發表於 2010-9-15 23:12:58

已電話聯絡以下各朋友....在9月18日上午9時到達小屋幫手的...

1. 陳愛琼
2. 潘淑芬
3. 王婉平
4. 羅承欣
5. 蕭慧華
6. Hebe
7. 梁惠秋
8. 朱式儀
9. 陳華珠
10. 林雋樂
11. 柯潔貞
12. 李冠暉
13. 秉記太太
14. 李秉琦 (負責是日攝影)
15. 馮潤棠 (負責是日攝影)
16. 蘇偉基 (負責拍攝製作月餅的錄影帶)
17. 蘇樂怡

還有已報名的鄭國強一家, 藍精靈, Raymond...小劉..阿妙...阿Kat....聯絡不上, 不知你們何時可到達幫手...( 18/9 or 19/9)

[ 本帖最後由鄧姑於 2010-9-15 23:38 編輯 ]

鄧姑 · 發表於 2010-9-15 22:54:17

9月18日(星期六)上午11時至下午二時, 大埔警區警民關係組的義工包括北區指標官, 總督察及警長等連同教育學院學生, 大埔孔教學院的中學生, 試不多有26人, 將會到小屋同我們一齊製作月餅,

真係大件事喇...有壓力添..今日我已到小屋執屋..唔好失禮人呀!

各位...我希望9月18日到來幫手的朋友, 在上午9時前一定要到小屋, 先來一個簡單的講解及工作安排, 然後開始我們的接待工作...

是日我將分三組, 每組約7-8位學生/警察義工及幾位同社朋友, 由包月餅餡至吸模完成為止, 同社朋友要負責示範及跟進程序工作..

明天及後日我連同幾位同社朋友也會開始到小屋製作月餅及清潔工作, 大家有時間也請來幫幫手....

[ 本帖最後由鄧姑於 2010-9-15 23:37 編輯 ]

高佬 · 發表於 2010-9-11 12:36:16

Donation HKD200

Carmen

鄧姑 · 發表於 2010-9-11 11:45:44

		自動登錄	找回密碼
密碼			註冊