投 資 精 句 擇 錄~~信報--曹仁超

鄧姑

擇自--信報「投資者日記」曹仁超

* 投資行為係世界上最易學難精之事，其中涉及風險管理，簡單點說便是止蝕的勇氣及賺盡的豪氣。過去學曉的東西便是期望最好的事物出現，但亦應該準備最壞的結果。


* 「富人有的時間同耐性，佢地不用為眼前的生活費而擔心。反之，窮人卻希望今天買（股票）明天賣賺取蠅頭小利，因為佢地等錢開飯，佢地不能接受蝕本。結果一生人限於賺取蠅頭小利結果一次便輸清。佢地唔明白十九歲開始每月把二千港元留下來作投資，只要每年賺取10%回報，到六十五歲之年便有一千零一十六萬二千元！大富由天小富由儉，每月儲蓄二千元，每年賺取10%投資回報，到六十五歲輕易賺一千萬元。賺錢不在炒出炒入，而係如何持久地細水長流。」



* 「如果有位分析員可以每問必答，可以肯定佢唔係專家。」



[ 本帖最後由 鄧姑 於 2007-9-13 17:55 編輯 ]

鄧姑

* 經濟一如身材，你唔努力keep fit便走樣，減肥不但辛苦而且唔易成功，企業如欲瘦身，不外乎凍薪、裁員及重整花紅（如果仍有的話），必然帶來一定的痛苦，如果唔係咁做，到出毛病再做亦冇用，社會上已有唔少「半身不遂的病人」。



[ 本帖最後由 鄧姑 於 2007-9-13 16:16 編輯 ]

鄧姑

* 「如果自己唔想發達冇人幫到你，如你唔肯改變性格弱點，亦冇人可幫到你。世事無對錯，只有時機最重要（Timing is everything）自古成功在嘗試，好的留下，壞的止蝕！」


* 「人生最大快樂係身體健康、財政獨立、良好家庭關係，我地必須對工作有熱誠，但唔可以成為工作狂，兩者分別係前者工作時投入，後者是長期超時工作而不知所謂。」

鄧姑

* 「人生須接受挑戰(challenges) ，耐唔耐面對挫折感(frustration) 甚至失意(disappointments) ，最後經自己努力及自我完善而獲得回報(rewards) 。」「累積財富有如學鋼琴，不但要有良好指導，同時須勤加學習，而且一級一級考上去，並冇速成班（欲速則不達）。」


* 「人類的思考方法往往把瞬間當做永恆，什麼海枯石爛此志不移，現實生活係海從未枯、石從未爛，但發誓的男女許多已變了心。」




[ 本帖最後由 鄧姑 於 2007-9-13 16:21 編輯 ]

鄧姑

* 「股市會令人產生錯覺，便是在升市中似乎有贏家冇輸家，太多人將紙上富貴當作真正財富，股市如賭場，一天未離場，唔好計算自己贏幾多。」

[ 本帖最後由 鄧姑 於 2007-9-13 16:23 編輯 ]

鄧姑

* 「生命上兩大恩典：時間及選擇的自由。許多時我地必須選擇放棄眼前利益或歡樂，以謀求未來更大利益及更大歡樂。如我地不懂得選擇，我地做唔成時間的主人，生命便一塌糊塗。」


* 在股票市場成功之道，不在於每天證明自己較別人聰明，而係牛市結束後你發現自己仍係聰明的投資者！社會上只有3%人口真正富有，其餘65%係中下階層。搵出一般人的睇法然後朝相反方向做，成功機會反而較大。


* 上帝要它滅亡，必先令它瘋狂！牛市在一片歡樂聲中死亡，熊市在愁雲慘霧中誕生。


* 投資成功與失敗許多時不在乎你睇對或睇錯，只在乎你睇錯之時有否及早止蝕，睇對之時有否急於止賺。

鄧姑

* 「人應該互相挑戰別人睇法才能有進步，但人皆有錯，錯就就承認，如因為擔心犯錯而不投資不思考，才係最大錯誤。」「投資市場成敗不在於擊倒別人，而係如何克服自己的心魔？」


* 「任何人都有睇啱時刻，亦有睇錯嘅時刻，分析通常只有60%正確，有40%錯誤，所以必須大勇若怯。」


* 世界上冇永遠朋友，亦冇永遠敵人，只有共同利益。所謂「利之所在」，朋友可以變成敵人，敵人亦可以變成朋友。


* 「唔少人搞到身敗名裂，最大原因係唔識止蝕，人人都希望「進」，其實有時做人係需要「退」。」


* 財富的獲得來自創見、努力工作、承擔風險同英明決定，並非天賜，負擔得起（意指交多些稅）唔代表應該負擔。
註：筆者批評現在的累進制入息稅已經對高級打工仔相對地交多很多稅，再向他們開刀殊不公平　

鄧姑

* 「股價上升可能同公司營業額及純利上升有關，但最後上升理由係因為人人認為股價會繼續升升升，股市之危險性便在此。」

鄧姑

* 「股票投資的樂趣便是介乎理性與非理性之關，永遠令人猜唔透。太早出售，往往錯過最精采部分；太遲出售，可能又坐失出售良機。捉熊腳固然不易，猜測反彈市何時結束更難，所以只有做事後孔明。」

鄧姑

* 過去六年本港GDP曾出現三次負增長（最近一次去年第二季），如果話97年7月香港主權回歸後經濟策略上最大變化係由「積極不干預」改為「積極干預」，政府有形之手真係無處不在！此一改變未令富者愈富，但肯定令貧窮人數响過去六年大幅上升！匯豐研究部去年做過統計，香港家庭經濟結構由97年7月前到達先進國家的菱形（上層社會及下層社會人數皆不多，中層階級佔社會大多數），重返第三世界國家的金字塔形（上層社會人數最少，中產階級次之，最多係下層社會）。

鄧姑

* 干預的結果係令社會上產生更多窮人，而非幫助佢地脫貧！真正脫貧方法只有一個，便是向窮人子女提供良好教育。


* 有人話股票有如美麗的少女，當你追求她時天真可愛兼迷人；不過，一旦你擁有她時，便發現美麗女性通常過於傲慢而令人難以容忍，最後棄之而後快！多少男性被美麗的面孔吸引而作出錯誤抉擇，忘記娶妻求淑女！不過，戀愛同買股票一樣，都係人類的愚蠢行為之一，但我地卻樂此不疲，不要說戀愛係盲目，其實股市盲俠更加多。



[ 本帖最後由 鄧姑 於 2007-9-13 16:41 編輯 ]

鄧姑

* 「股票市場只有三分之一時間係理性，其餘三分之二時間非理性，如太理性，反而賺唔到大錢添。」


* 其實今時今日唔少人陷於財政困難，理由係過去生活自己負擔唔起的水平…而上天必定懲罰懶惰、賭徒、及冇財務計劃的人，只係遲與早。


* 「我認為做人成功要靠三點：聰明過人、勤力過人、持久過人。我不能聰明過人，我希望能做到勤力過人，持久過人。」 「信報可以沒錢賺，但不能辦成一份令自己面紅的報紙。」 「不要以為自己有多重要，人總有退下的一天。」…聲言會在六十歲停寫專欄退休的曹仁超，當被問會否對信報做成影響時，自謙地回應。

* 「佢（葉劉淑儀）嘅優點係太投入，缺點亦係太投入；由於太投入工作，往往把上級交落的政策看成本身榮辱，當面對別人持不同意見便認為不可接受，唔明政治的精義就係「妥協」。」


[ 本帖最後由 鄧姑 於 2007-9-13 16:44 編輯 ]

鄧姑

* 「誠信乃所有你的高級公僕必備條件，一旦失去誠信，一切都枉然。」

* 「傷害投資環境，唔係善良的香港市民，而係強行立法的特區政府。」

* 「賺錢不在炒出炒入，而係如何持久地細水長流。」

* 「任何獨裁統治由限制言論開始，當傳媒冇膽仗義執言之時，市民的自由便一點一滴失去。當然，籠中金絲雀仍可生存下去，每日有人餵，生活無憂。」

* 「今年10月聯匯制度已存在二十年，整個社會已因應聯匯制度而出現改變，一如吸食二十年白粉的人，如何從此一制度中一步步走番出？呢方面需要更高技巧。由於香港經濟中毒甚深，戒毒亦可以擺命。」


* 「五、六十年代港人雖然窮卻冇負資產，二十一世紀香港有四分一中產階層係負資產，表面上生活過得去，實際上較無產階級更窮更無助。」



[ 本帖最後由 鄧姑 於 2007-9-13 16:46 編輯 ]

鄧姑

* 衡量一個金融市場是否成功，係上市公司素質而非上市公司數目，不然全世界最成功的證卷交易所應該係溫哥華而非紐約！香港經濟點解咁差？部分理由係上市公司中太多垃圾股，唔夠質量公司大量上市，港交所遲早變成跳蚤市場或夜冷市場。