炒靚菜5大要訣

鄧姑

炒菜時間控制不好，就好易令菜變黃，菜所含的營養亦會流失，要炒一碟靚菜，記住以下要點就得啦！

1.瀝乾水：
菜用清水洗淨後瀝乾水份，落鑊時便不會濺油，如果菜上有水，會越炒越多水，影響味道。

2.後落鹽：
冚蓋將菜焗一焗，開蓋再灑少許鹽調味，炒勻即可上碟，太早落鹽會令菜出水，失去脆嫩質感。

3.大火炒：
燒紅鑊加油，爆香薑片落菜，用大火炒，不能炒多過 5分鐘。


4.遲冚蓋：
見菜炒到八成熟才冚蓋略焗，太早冚蓋會令菜褪色變黃。

5.加熱水：
不會令鑊的溫度降溫，越炒越耐將菜炒黃。