我家的荷花

鄧姑

天氣熱..今年家中那盆荷花開得特別靚.....一朵接一朵...不停開....生得很高呀!

karen

真係好靚！

全賴有你

鄧姑, 除左荷花外, 有無其他種子分享呀?荷花種地還是種盆?

鄧姑

原帖由 全賴有你 於 2011-6-28 10:03 發表
鄧姑, 除左荷花外, 有無其他種子分享呀?荷花種地還是種盆?

我家的荷花是用大的皮旦缸種的, 每年2~3月便要洗缸...換泥(塘泥).將d藕仔洗淨插番入去..然後落肥料(骨粉..)加水, 咁到4月份開始便會出葉....5月份開始便會出花(視乎天氣而定, 愈熱..陽光愈猛..d荷花便愈靚), 年年如是....不用再買..

夏天種棵荷花好有用的, 蓮葉煲湯(消暑), 蓮蓬內的鮮蓮子可以食(好甜), 蓮蓬晒乾可煲糖水, 荷花成朵加水加冰糖也可煲糖水架, 妹好味的....哈哈....

[ 本帖最後由 鄧姑 於 2011-6-28 11:35 編輯 ]

全賴有你

d藕仔係咪街市買嗰D蓮藕? 如果而家先種會唔會遲呀?你真係好犀利呀, 咩都識

鄧姑

原帖由 全賴有你 於 2011-6-28 13:08 發表
d藕仔係咪街市買嗰D蓮藕? 如果而家先種會唔會遲呀?你真係好犀利呀, 咩都識

荷花d藕仔同我地食的蓮藕好相似, 但就好細小, 應該唔係食用蓮藕喇..

而家先落泥種是遲左d...你可以去花墟睇下有冇現成的, 前幾個星期我在花墟見到有連盆賣的荷花, 當然你可買番去換大缸種(不過, 我唔太贊成咁做, 因現在佢係成長期, 轉換環境怕佢會死呀!), 都係種住先, 到明年才重新再種, 或許明年2~3月左右我換泥時可以俾幾舊藕仔你.

黎猛

鄧姑,

沙田小屋的樹上芒果成熟了沒有, 可以摘下來擺芒果宴嗎?

鄧姑

原帖由 黎猛 於 2011-6-28 21:01 發表
鄧姑,

沙田小屋的樹上芒果成熟了沒有, 可以摘下來擺芒果宴嗎?

呢一輪忙得要命..好耐都冇入小屋巡下...d芒果..都唔知近況如何...或者已成為雀仔食糧了....

wendychun

鄧姑,雄鷹大隊下星期日來打擾你們,有芒果就手下留情,待我們大鄉里,欣賞一吓樹上芒果成熟的實境呀!!!!
你的大作荷花,又大又嬌艷,讚!

鄧姑

原帖由 wendychun 於 2011-7-3 20:39 發表
鄧姑,雄鷹大隊下星期日來打擾你們,有芒果就手下留情,待我們大鄉里,欣賞一吓樹上芒果成熟的實境呀!!!!
你的大作荷花,又大又嬌艷,讚!

難得你地大駕光臨幣社.....真係有點受寵若驚...現正編排當日程序及設計晚上聚餐菜單.....

我聽日會去數下仲有幾多個芒果先...再搵個實Q看守住........

全賴有你

鄧姑, 係唔係9 號開班呀? 做咩咁客氣招呼埋夜晚果餐, 係就唔客氣啦! 哈哈

何富儀

多謝及唔該晒,連雀仔也不能放過呀!!!哈哈!!!!

wendychun

媽媽話今日係小暑，叫你用你個d新鮮既荷葉煲冬瓜解下暑(⌒▽⌒)
不要浪費wor
今日真係好熱...

鄧姑

原帖由 wendychun 於 2011-7-7 14:46 發表
媽媽話今日係小暑，叫你用你個d新鮮既荷葉煲冬瓜解下暑(⌒▽⌒)
不要浪費wor
今日真係好熱...

咁乖女..識煲冬瓜湯清暑....星期日我都帶我d新鮮荷葉煲冬瓜水俾你地飲丫...

今日真係好熱, 行出街差d行唔到直線呀!

yulau

鄧姑，你種既荷花真係好靚、好靚！！