雲南賞花之旅~~14/5--26/5(13天)

鄧姑

原帖由 Kenneth 於 2011-7-28 01:49 發表
何遠、多謝你的欣賞及贊許。到了現在的人生經驗〔即是說：到了這把年紀〕才明白到多些人生哲理。其中一樣就是
Work hard, Play hard. 永遠不會太遲。

Play hard..Play hard...Play Play hard 呀！
今日收到一個舊同事的電話，佢話前幾日行行吓街，暈左，急送醫院，經檢查後醫生話佢腦內生了一個很毒很毒的大瘤，只有一至兩星期的壽命，聼完後嚇到我六神無主，嘩。。點會咁化學架！
去到醫院睇佢，佢話咩都冇準備就要回去，唔甘心。。嗚嗚。。
所以唔好咁執著喇，有得玩就玩盡佢，幾時要傳你走。。係唔知架！

鄧姑

原帖由 linda 於 2011-7-28 22:16 發表
鄧姑你確定這是山楂嗎, tungtung (起初我以為是Ken Tung, hello, tungtung who are you?) 似乎不太同意呢!

這圖片是來自一間園藝店，佢宣傳賣緊山楂樹苗，斷估唔會錯掛？？

冬冬是羅冬霞，她應該在你落藉加拿大後，她才出現同社，相信你們不認識。
她的家是務農的，但相信她未種過山楂樹。

[ 本帖最後由 鄧姑 於 2011-7-28 23:09 編輯 ]

linda

鄧姑你確定這是山楂嗎, tungtung (起初我以為是Ken Tung, hello, tungtung who are you?) 似乎不太同意呢!

Kenneth

何遠、多謝你的欣賞及贊許。到了現在的人生經驗〔即是說：到了這把年紀〕才明白到多些人生哲理。其中一樣就是Work hard, Play hard. 永遠不會太遲。

何遠

Good photoes, good work & good song, mr. tung, i almost miss it, do share more photoes with us.

Tungtung

So this is the answer we were looking for - 山楂樹

鄧姑

正宗山楂果樹

Kenneth

鄧姑、你說得對、今天的年青人的思想跟我們的是不同的。如果要同他們溝通，就要用他們的思維及方法。

全賴有你

Linda, 仲有記唔記得係我地間房食鴨嗰晚, 真係好高興呀. 雖然間房好細, 好多人都無得坐. 但大家都唔介意. 鄧姑送私伙普洱茶, 加上我地包花生, 食得津津有味.那晚是大家最close, 真係好想叫你地唔好咁快走, 無奈第二朝要早起趕路. 你地走左後, 我地間房成地花生衣呀, 好彩唔洗我掃咋, 哈哈.........

全賴有你

好回味那一日既早餐, 如果自己係屋企食又無咁ｅｎｊｏｙ喎。 鄧姑為我地煎雞蛋夾麵包. 佢真係好似阿媽. 早一晚又煲糖水. 我地呢D真正阿媽都無做咁多野. 所以去旅行有鄧姑舒服好多!

linda

第十一天的旅程
終於去到最後一站, 麗江






回到繁華的大城市, 雙層巴士都有!



我們住在麗江古城, 都吾係咁城市feel, 不過都巳經非常商業化了



要數錢$$$$$給司机們啦! 好小心數!

晚餐的餐館門叫97餐館, 隻左隻大肥雞, 非常貴!!!








D房都好open式, 廁所, besides 稻城那間五星外, 這是另一間乾淨清潔幾好的


愛心早餐, 謝謝鄧大姐!





等吾切返香港/加拿大, 要食返餐鬼佬午餐!

linda

謝謝Ken的精心製作, 悅耳的歌加美麗的相, 真想立時回到當時的情景當中雖然不知歌詞講甚麼, 但節奏輕快, 很好聽。
如果喜歡這歌的, 記得去www.potalasound.com那個site, 有50首歌你可以不停聽, 一邊聽, 一邊欣賞此站post的相片
那一種方式的旅行去玩各有不同取向, 不過就如二嫂所講, 天時地利人和 (不知用這句是否正確), 都很大關係, 我們今次的旅程真可說是"天時地利人和", 樣樣都perfect,  上天的安排和保守也!

全賴有你

我兩種自由行都喜愛. 去旅行要講天氣, 運氣和同行既人0岩唔0岩聲氣, 缺一不可. 如果今次個天唔幫我地, 成日落大雨都係唔好玩, 影響心情. 緦括來說都係一個很好既安排. 令我人生褢留下一頁美好的回憶.

鄧姑

多謝阿Ken..藏歌真的很悅耳..

隨著音樂..心靈已飛到世外遙遠的一方.....

今日同一位年輕人談話...我說..我很喜歡自由行...西藏..稻城..亞丁..都是我喜愛的地方...

年輕人聽著很惘然..淡淡的說..我也很喜歡自由行...美食之旅...日本購物遊是我們這一代的至愛...悠閒舒服的行程才是自由行的真諦呀..

原來年代不同對自由行的看法也不一樣....

yulau

我同屋企人都很enjoy你制作的Slideshow ,又可以聽到一首好聽的藏歌。