周 中 贈 美 入 廚 十 誡

鄧姑

煎 雞 翼 遲 落 糖
唔 可 以 太 早 即 係 幾 時 呀 ？ 蜜 糖 一 落 兜 兩 兜 就 要 盛 起 ， 煮 多 陣 都 死 喎 ！

炸 扒 先 細 後 大
將 豬 扒 放 落 滾 油 炸 到 轉 色 ， 然 後 就 要 轉 中 細 火 慢 慢 炸 ， 炸 到 浮 面 ， 就 要 開 猛 火 炸 十 零 秒 ， 將 啲 油 逼 番 出 嚟 ， 唔 可 以 一 路 用 大 火 炸 㗎 ！

龍 蝦 未 必 放 尿
邊 個 話 ！ 開 邊 蒸 或 焗 咪 唔 使 囉 ， 開 邊 嗰 陣 佢 都 標 尿 啦 ！ 唔 使 係 唔 係 都 插 佢 。

紅 豆 腍 才 落 糖
太 早 落 糖 咪 煲 極 唔 腍 囉 ！ 應 該 煲 到 啲 豆 腍 先 落 糖 。

冬 瓜 先 蒸 才 腍
冬 瓜 唔 可 以 直 接 用 大 火 炒 ， 一 係 先 蒸 到 透 明 ， 一 係 先 用 細 火 煮 到 透 明 先 再 炒 ， 否 則 炒 極 唔 會 腍 。

煮 生 麪 不 用 湯
你 梗 係 懶 叻 用 上 湯 煮 啦 ， 生 麪 表 面 有 好 多 麪 粉 ， 要 先 用 清 水 煮 走 啲 粉 ， 再 加 上 湯 先 會 爽 口 彈 牙 ， 直 接 用 上 湯 煮 會 變 漿 糊 ！

蘿 蔔 腍 多 加 水
煮 餸 有 好 多 方 法 ， 煮 蘿 蔔 可 以 加 水 ， 每 次 滾 起 再 落 少 少 凍 水 再 煮 滾 ， 做 幾 次 ， 咁 先 腍 得 徹 底 。 煮 餃 子 及 雲 吞 都 適 合 ， 啲 皮 唔 會 爛 。

節 瓜 落 鹽 不 酸
你 梗 係 落 豉 油 唔 落 鹽 ， 節 瓜 一 遇 豉 油 就 變 酸 。

陳 皮 要 刮 瓤
果 皮 浸 軟 之 後 一 定 要 刮 走 啲 瓤 ， 唔 刮 瓤 就 咁 煲 ， 果 皮 唔 出 味 又 好 寒 凉 㗎 ！

凍 水 落 湯 料
想 有 藥 效 ， 例 如 煲 藥 材 湯 就 凍 水 落 ， 熱 水 會 凝 固 食 物 的 蛋 白 質 ， 藥 效 煲 唔 出 嚟 ； 但 滾 湯 或 煲 菜 之 類 就 要 滾 水 落 ， 煲 得 耐 咪 爛 囉 ！ 特 別 係 西 洋 菜 ， 大 滾 水 落 就 唔 苦 。