中國食療源遠流長，集五千年民間智慧於大成，今次我哋就搜羅一眾名人明星嘅秘傳抗病食療秘方，再請註冊中醫過目，發現當中原來只花幾蚊雞，就已經達到「有病醫病，冇病防病」嘅功效。其中佘詩曼嘅 5蚊降火茶，一
哥楊貫一嘅降血脂湯，都極少聽聞。不過最神奇嘅係，馬浚偉只用六棵蔥，就可以醫感冒，厲害！
阿佘$5捱夜降火茶
阿佘在電視城出名是鐵人，幾個月身兼兩套劇，日睡 3個小時都甚少因病「冧廠」，原來她有條捱夜降火秘方。
「呢個降火茶係一個無綫幕後俾我，每次我捱夜之後出現牙肉腫痛、喉嚨痛，一飲就好快無事。我依家每星期都飲兩次打底，不過飲完降火茶，一個鐘頭內唔好食魚，否則好易肚瀉。」
三樣黑麻麻嘅藥材煲出嚟嘅降火茶，雖然望落好似墨汁，但記者試飲過，味道竟然出奇地甜，而且每次只需$5，勁平。
中醫見解: 張志坤中醫師
張醫師：呢個降火茶唔似普通清涼茶，佢有滋陰養血、涼血生津嘅功效，對於流鼻血、陰虛火旺引起嘅牙肉腫痛好有效，仲可以令人精神啲，有需要的話仲可以每日飲用。
忌：有濕熱、脾虛或者腸胃差嘅人不宜飲用。另外，飲完一個鐘內唔食魚嘅說法係無根據。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
莫爸爸家傳通血管秘方
對藥膳素有研究的莫文蔚爸爸莫天賜，據知多年前把一張預防及幫助心臟血管暢通的家傳秘方給一位電影幕後人，從此秘方便在娛圈流傳。據知此湯對患心臟血管閉塞的人有幫助，可隔日飲用，若要預防的話則一星期飲用
一次。莫文蔚說：「呢個白背木耳湯係我家傳秘方。其實好多親戚都成日問我嗲哋攞唔同嘅偏方o架！」至於莫爸爸，在截稿前一直未聯絡得上。
我嗲地有好多藥膳偏方，由細到大喺屋企食飯，一定有一碗湯侍候。我入行之後，嗲哋都會用石斛加一啲材料煲俾我飲，幫我增加中氣唱歌，好有效 o架！
莫爸爸藏有大量抗病養生偏方，更不時親手煲湯給莫媽媽、莫文蔚及大仔補身。
中醫見解張醫師：呢個湯主要有白背木耳，所以有助通血管，反而其他組合就冇咩關係。
忌：因為白背木耳關係，呢個湯孕婦忌食。而黑棗同紅棗唔適合陰虛火旺嘅人士，應搵中醫按自己體質以其他藥材配白背木耳。
記者後記：記者父親去年心臟血管閉塞，需要做俗稱通波仔手術。手術前一個月，記者父親隔天飲用這個白背木
耳湯，結果到手術當日，醫生進行查驗時發現父親心臟血管回復暢通，只需服藥不用動手術。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
吳浩康3蚊治鼻敏感
吳浩康患有鼻感敏，天氣變時病情較為嚴重，他就會執中草藥飲，「條方係朋友喺內地做中醫師嘅親戚俾佢嘅，勝在夠簡單，只得兩款中草藥， 3蚊就買得到，加上煲嘅時間唔長，等自己冇藉口唔煲。我試過效果唔錯 o架，
飲咗 3次，朝早起身已減少好多鼻水。雖然味道帶少少澀，但唔算難入口。朋友仲話食咗一個禮拜就根治到，真係經濟實惠。」
材料：藿香 4錢、紫蘇 4錢
煮法：將中草藥以4碗水煲至1碗水，約煲大半小時。
中醫見解張醫師：呢個鼻敏感茶有辛溫解表、發散風寒嘅功效，風寒即感冒，呢隻茶對鼻敏感及鼻炎有一定功效，亦都可以每日飲用。
忌：凡有口乾咽燥或喉嚨痛人士應忌服，另外孕婦需要中醫診斷後方可飲用。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
一哥保健降血脂膽固醇湯
一哥話：「唔係晒命，我哋平日食得好嘢太多，好容易膽固醇超標，飲咗呢款湯就可以調節番，對保健養生真係好有效用。」
一哥楊貫一雖然年過七十，平均每月仲要出埠兩次。不過他依然好魄力，他說有賴常飲降血脂膽固醇湯，他說：
「條方係我同一位中醫師一齊研究，飲咗超過10年，因為味道好，又夠清，每星期飲一至兩次都唔會厭。好多朋友都問，點解我年紀愈大，精神反而仲好？我諗同飲呢款湯水有關，因為可以抗氧化、降血脂同降膽固醇，仲補
而不燥。」
材料：
紅蘿蔔 1斤
青蘿蔔 1斤
新鮮牛蒡 1斤（用薑飛水）
白背木耳 5錢
松茸菇 5錢至1両
南北杏 5錢 蜜棗 4粒
果皮 2角
豬肉 1斤半
豬橫脷 2條
（夏天加少許薏米及蓮子，可以清潤。冬天加少許合桃，可兼補腎）
煮法：可將材料放於瓦煲，以 12碗至 15碗水煲約 3小時，可供一家 4至 6人飲用。
中醫見解
張醫師：呢個湯有抗癌功效，因為入面有松茸菇，而牛蒡有降血脂同膽固醇功效，可健脾、理氣，一星期飲兩次
就可以達到最佳效用。而湯中有果皮
能夠中和寒性，所以寒熱底嘅人都可以飲用。而冬夏兩季所加嘅材料都好適當。
忌：孕婦不宜飲用。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
陳芷菁每日一碗安眠粥
陳芷菁經常向一位相熟中醫請教養生食療，這個安眠健脾粥亦是其中醫師給她的秘方。「呢個粥有健脾、補血同安眠功效，所以我同囡囡每朝都一定食一碗安眠粥。我哋食咗差唔多一年，覺得唔單止好瞓咗，面色靚啲，個女
食嘢亦比以前開胃。」
此粥味道好淡，除非好似芷菁個女咁聽話，否則要小朋友食唔容易。
材料：芡實 5錢、淮山 3片（要切薄那種）、龍眼肉 4粒、紅棗 2粒、生薏米少許、糙米半杯
煮法：以上材料乃一人份量，用三碗水煲成一碗粥便成。
中醫見解
張醫師：呢個粥有健脾益腎、養血安神功效，而元肉則有寧心安神作用。
忌：因粥料有芡實，所以便秘人士忌服。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
馬浚偉六條蔥醫感冒
我個中醫話因為蔥嘅根部，有好多微量元素，有助提升免疫力同抗氧化，係抵抗感冒嘅最好食療。
馬浚偉的感冒食療是母親一位相熟中醫師教他。「每次感冒，我就返屋企煮蔥水飲，飲完大覺瞓，第二日已經好
番，對初起嘅感冒真係有效。我介紹俾朋友，佢哋都估唔到幾條蔥就可以擊退感冒，如果飲完一個碗未好番晒，
第二日再飲多碗，飲到第三日一定好番。」
材料：蔥 6條
煮法：將蔥連根洗淨，只要葱根及底部白色蔥頭向上 6吋，放一碗水（蔥要凍水落）煲 5分鐘即飲。
中醫見解
張醫師：蔥水呢個方法係有效，因為蔥水可散風寒，對偏寒性感冒（鼻水稀兼有鼻塞）效果較為顯著。
記者後記：上星期記者患感冒，即煲蔥水飲，翌日果然痊癒大半，再飲多碗即完全好番，非常神奇。
|
發表於 2011-2-1 17:11:07
收藏
分享
樓主
