09第一炮~~八仙嶺上喜迎春(1月11日)

鄧姑

登八仙迎2009年...也是農曆年前最後一役, 歲晚收爐之作....

路線: 新娘潭道牛坳→春風亭→八仙嶺自然教育徑上仙姑峰 →仙姑峰→全走八仙嶺→純陽峰→黃嶺→橫七古道→上下橫山腳廢村→新娘潭。

集合後乘車往大尾督， 從新娘潭道牛坳漁護署林務站起步，在林務站後接入八仙嶺自然教育徑，經過春風亭，春風亭正是為紀念該場山火中捨己救學生的老師所建造。離開春風亭續行走一段山脊至仙姑峰頂。仙姑峰（高511米）下臨船灣淡水湖，遠眺西貢馬鞍山及橫嶺等。離開仙姑峰後續全走八仙群峰，由於八仙嶺由八座高矮不一的山峰所組成，故被冠以八仙之名。而八仙中又以純陽峰（高591米）為最後一座亦是八仙中最高的一座，到了純陽峰後便大休。大休後續沿脊走往黃嶺，在黃嶺前轉向鹿頸方向下山，在下山途中可環覽四週景致，如遠方的梧桐山（中國沙頭角）港境內的金龍脊，吊燈籠及馬頭峰等，至接回橫七古道後，續走經橫山腳廢村到繞絲溪，再步落古道至新娘潭巴士站乘車歸途。


日期: 2009年1月11日 (星期日)
集合時間: 上午九時正
  集合地點: 大埔墟火車站售票大堂
回程: 約下午五時
  路程: 15KM
  步行時間: ~6 hr
  難度: 4粒 ★★★★
領隊: 鄧姑


溫馨提示:
~~ 沿途冇補給, 請大家預充足糧水及後備乾糧(如朱古力/提子乾等).
~~ 登高望遠..盡覽船灣淡水湖...是攝影及賞景的好地方, 請帶備一切器材
~~ 前段頗氣喘, 登上八仙後便上落波幅不太大....
~~ 全程無樹蔭,請帶備足夠防曬物品.
~~一切量力而為


其他: 帽, 防曬用品, 風褸, 毛巾, 後備乾糧, 水果, 零食, 電筒, 行山杖, 地圖, 指南針, 急救藥品, 手提電話, 同埋要講低俾屋企人知... ...

免責聲明: 所有參與同社發起的活動都屬自願性質. 同社對於因籌辦或參加有關活動而可能直接或間接引致之任何損失、損壞或傷害(包括死亡),並不負任何法律承擔或責任(包括疏忽責任).

[ 本帖最後由 鄧姑 於 2009-1-20 12:33 編輯 ]

toby

係咪咁行？

鄧姑

原帖由 toby 於 2008-12-2 18:55 發表


係咪咁行？

差不多啦... toby..你黎唔黎呀!!

toby

我當日都約左朋友行呢度, 呵呵, 話唔定會撞見呢~ yo.

鄧姑

原帖由 toby 於 2008-12-5 20:01 發表
我當日都約左朋友行呢度, 呵呵, 話唔定會撞見呢~ yo.

好呀...到時我地就係純陽峰揮手啦....

鄧姑

個個都話病...睇怕今個星期日都係唔荒多人去行啦....

會去的..最好在此留言..等我統計下先...

瓊姑姑

瓊姑x2，唔該。

鄧姑

無辦法啦...又要暫停...讓期給沙田小屋大掃除呀..

各位有氣有力行山的, 拜託請來小屋幫手啦

toby

無人同我揮手了...

天氣持續寒冷, 大家都要小心保重身體。

鄧姑

原帖由 toby 於 2009-1-10 12:40 發表
無人同我揮手了...

天氣持續寒冷, 大家都要小心保重身體。

多謝你..杜比, 你地都要好好保重身體呀!!

頭先係小屋度大掃除...晚上氣溫下降..凍到有人又猛叫" 好冷凍呀..."