快樂∼∼共勉之

鄧姑

雪糕, 快樂, 同是一個名詞, 我叫佢地係Noun, 但<雪糕>係具體名詞, 可以看得見, <快樂>係抽象名詞, 我叫佢做 Abstract Noun, 看不見; <雪糕>, 可以在超級市場買到, <快樂>, 在超級市場貨架上, 搵極都搵唔到。
好開心, 我每週都可以添置一些<快樂>。

有時, 見到一些老人家, 由早到晚, 坐在公園, 似悶困愁城, 難以度日, 唔知佢等乜野? 亦有見一些老人家, 計劃週詳, 經常聯群結隊, 嘻嘻哈哈, 呢道去, 嗰道去, 好不開心。

青年人, 又何獨不然? 如果固步自封, 只是坐在廳中, 等電話響, 等別人約你, 大有可能係得個<等>字; 點解唔主動出擊, 去約人, 莫非怕別人拒絕, 好瘀; 點解唔想下, 別人可能等緊你約呢?

快樂是甚麼? 其實, 快樂很簡單, 快樂只是共聚, 一同分享開心之事; 交流知識,　交流感受, 一同承擔困難, 從而一同解決這些困難, 一同分享成功之喜悅; 一同進步, 唔係只是自己進步。

當然, 共聚未必一定快樂, 可能有反效果, 令人感覺到, 不共聚, 不相見還好; 咁就要睇你以甚麼態度同人相處la, 例如, 事事都要自己有利益, 處處都要自己攞威, 梗有反效果lar。

最後, 希望大家都能時時添置一些<快樂>, 調劑心情。