有趣的廣東俗語

鄧姑

一些很有趣的廣東俗語, 很多經己被遗忘了或被目前的新潮流”潮話”所取代, 與你等雅俗共賞。



陳年生草藥       發爛渣

肥佬着笠衫       幾大就幾大

灶君上天         有嗰句講嗰句

火燒猪頭         熟口熟面

黄皮樹了哥       唔熟唔食

纸紥下巴         口輕輕

壽星公吊頸       嫌命長

隔夜油X鬼       冇厘火氣

火燒旗桿         長炭

冇耳藤喼         靠托

周身刀            冇張利

断柄鋤頭         冇揸拿

隔年通勝         唔值錢

十月蔗頭         甜到尾

火麒麟           週身癮

幡桿燈籠         照遠唔照近

潮州二胡         自己顧自己

生蟲拐杖         靠唔住

單眼佬睇老婆     一眼睇晒

雷公劈豆腐       揾軟嘅嚟蝦

秀才手巾         包書

貓兒洗面         係咁意

魚生粥           啱啱熟

雞食放光蟲       心知肚明

番薯跌落灶        該煨

成吉思汗打仔     大汗叠细汗

阿崩叫狗         越叫越走

细路哥剃頭       快嘞快嘞

床下底破柴       包撞板

濕水棉花         冇得弹

鼎湖上素         好齋

深海龍躉         好瘀

蒸生瓜           神神地

老公潑扇         凄谅

老婆担遮         陰公

年晚煎堆         人有我有

倒掛臘鴨         油嘴滑舌

鬼佬月餅         悶極

阿茂整餅         冇嗰樣整嗰樣

鼓油撈飯         整色整水

賣鯇魚尾         包搭嘴

老鼠跌落天秤     自稱自

灶君跌落鑊       精神

跪地餵猪乸       睇銭份上

撒路溪銭         吸引死人

閰羅王開賭檔     揾鬼買

十月芥莱         起晒心

山草藥           up得就up

灶頭抹布         又鹹又濕

賣鱼佬洗身       冇晒聲氣

鹹蛋滚湯         心都實晒

海軍對水兵       水鬥水

阿蘭嫁阿瑞       累鬥累

孔子搬屋         全部書

醉酒佬數街燈     唔知幾盞



新一代嘅年青人未必知道廣東俗語的趣味, 亦經己被潮話取替, 至於上述的俗語出自何處, 點解? 我就不得而知, 但係諗下又真係醉酒佬數街燈, 唔知幾盞!