閒遊小坪洲(2009年2月15日)

鄧姑

坪洲位於香港島與大嶼山之間，形狀如一個「工」字，全島面積不到一平方公里，是一個寧靜的小離島。由於碼頭對開是個露天娛樂場地，所以並沒有像長洲碼頭般到處皆是渡假屋出租攤位的嘈雜叫賣聲。

由於坪洲細小加上交通方便，故為半日閒遊的好去處。另外，島上老居民信奉不少中國傳統神仙及自然神，故此地大小廟宇亦比其他地方為多，最著名的有龍母廟、金花廟等。另外，坪洲因沒有汽車行駛，所以在缺少空氣污染的環境下，自然生態亦保持得很好；政府亦於此設有家樂徑供遊人欣賞大自然。


日期: 2009年2月15日 (星期日)
集合時間: 上午九時三十分
集合地點: 中環渡輪碼頭 7 號碼頭
回程: 約下午四時
路程: 6.8KM
步行時間: ~4.0 hr (龜速)
難度: 1粒 ★
領隊: 鄧姑

是日行程: 於中環渡輪碼頭乘普通渡輪，約大半小時便抵達坪洲, 先往天后廟(又名金花廟)參觀, 繼往大利島, 東灣及全島最高點~~手指山, 俯瞰坪洲全島, 另一邊的大小交椅洲,及遠至港島高樓大廈亦盡入眼簾, 沿海邊漫步回碼頭一帶,亦可順道加遊永安街一覽新春鄉村風土人情,然後才乘船回中環市區.


溫馨提示:
~~ 輕鬆易行, 漫步坪洲島,可帶少量糧水, 沿途有補給..

其他: 帽, 防曬用品, 風褸, 毛巾, 後備乾糧, 水果, 零食, 電筒, 行山杖, 地圖, 指南針, 急救藥品, 手提電話, 同埋要講低俾屋企人知... ... .

免責聲明: 所有參與同社發起的活動都屬自願性質. 同社對於因籌辦或參加有關活動而可能直接或間接引致之任何損失、損壞或傷害(包括死亡),並不負任何法律承擔或責任(包括疏忽責任).

source : http://www.hike-x.com/

[ 本帖最後由 鄧姑 於 2008-12-16 21:39 編輯 ]

鄧姑

土生土長的我...記憶中是從未到過坪洲的..

今個星期日認真去行下先..

你地去唔去呀...

socheung

去，兩位。

鄧姑

人少少都照去...明天見...

鄧姑

出發前都幾擔心今日的天氣會唔會落雨..大霧...咩都睇唔到呢? 今朝7點起身時..真有d 衝動..想打電話俾應承左話去的老友..."..不如唔去坪洲...去飲茶囉..."

但回心一想..做人係唔可以咁懶散...咁易放棄的..硬著頭皮..準時到碼頭..咦..個個都準時喎..

搭9:30分開的船..票價$18.5..(又唔係好貴喎..)..無風無浪...40分鐘船已抵達坪洲...

鄧姑

坪洲真係一個好寧靜的小島...冇車行..冇渡假屋...冇咁多遊客...悠悠蕩蕩....好舒服..




哈..有筍盤呀....你睇呢度d樓仲平過大陸喎...買得過...

鄧姑

天氣驟晴驟霧....遠處的愉景灣如海市唇樓..迷迷糊糊...



[ 本帖最後由 鄧姑 於 2009-2-15 21:54 編輯 ]

鄧姑

中午過後..天色晴朗...微風習習...爽..爽...

鄧姑

坪洲沿路都有好多龍眼..荔枝..還有超大個的大樹菠蘿..嘩..好香呀...

鄧姑

春天到了..百花齊放..

鄧姑

新春入到黎..入廟祈求多福....



你睇佢兩個幾認真...卒呀...卒呀...

鄧姑

坪洲有d 地方都幾有特色...你睇佢地幾有創意..



7-UP個汽水樽..我第一次見...

鄧姑

全坪洲最高點~~~手指山..只有2百多米...居高臨下..可全覽坪洲...

鄧姑

環島一周行至3時多...便搭3點20分班船回中環..船票又係$18.5..( 邊個話船費貴..唔肯黎架..10幾蚊渣.. )..4點已到中環...結束坪洲之旅..

這次行程除悠閒逛坪洲外..在中午時還食到好好味的咖哩牛腩飯(比重慶大廈仲好食..又便宜.. )

香濃的即磨咖啡...珠女碟豬骨濃湯豬扒出前一丁麵...簡直一絕...亞綿的餐肉旦麵...塊餐肉咁厚架..仲有熱騰騰..香噴噴的楊洲炒飯......睇見都想食呀..

原來坪洲除左景靚..寧靜外..仲有好多美食...下次來一定要在黃昏睇日落..食海鮮..再行去海傍睇Dislayland放煙花....

[ 本帖最後由 鄧姑 於 2009-2-15 22:46 編輯 ]

socheung

海鮮可免，人情、氣氛一流，茶餐廳水準出乎意料的好----大牌檔鑊氣、用料份量足、新鮮、飯粒鬆、軟、散，無油漬殘留，總之===正。