沙田小屋裝修

鄧姑 · 發表於 2010-4-26 00:18:56

經過兩天的辛勤，我真的要多謝下列各位朋友：

電工卅水電組：劉國華，蘇彰，高輝，馮潤棠，丁煥志...小屋內的廚房廁所電制卅水喉大致上已接駁好了...

木工組：蘇偉基..舊的廚房櫃已磨滑，稍後換上新的防火膠板，應煥然一新...

庶務組：柯潔貞，王婉平，潘淑芬，陳愛瓊，鄭燕珍，羅永波，李振添，李國興...相信你們也難忘洗石水的威力，兩曰來的洗洗擦擦，手軟時骨頭又痛呀！

各位朋友...無言感激...小屋的將來還要靠大家的。

[ 本帖最後由鄧姑於 2010-4-26 09:21 編輯 ]

鄧姑 · 發表於 2010-5-2 22:08:43

原帖由 marklau 於 2010-5-2 18:41 發表
勞動節翌日, 點解無人出現

鄧姑 · 發表於 2010-5-3 23:07:03

星期六回家後, 不知何故上吐下瀉....星期日成日都昏昏欲睡...所以未能來開工, 阿SO偉基原本要來開工架, 因冇人開門俾佢..所以也暫停..真抱歉!!

鄧姑 · 發表於 2010-5-3 23:09:04

3. 清理化糞池側U渠淤塞渠道及雜草 (係咪屬於民政處負責? 係就快出招啦,社長?)

等我明天同佢地打下牙較..試探下關唔關佢地事先...

鄧姑 · 發表於 2010-5-3 23:28:59

連日來為左訂個不銹鋼廚櫃, 到處奔波真係很苦惱...(在此多謝蘇彰..亞綿跟我傻到處走)

~~~ 深水埗東沙島街的二手夜冷店....價錢係平..但就唔太合用..

~~~ 深圳東門廚安居訂做一套, 價錢約6千多人仔..但鋼板是#201, 好多人話係白生鐵, 用耐左會生銹...轉用#304價錢貴3成..而大陸野又信心不大..

~~~ 香港貨(葵涌工場做..正宗香港製),台灣#304鋼板, 查過資料應是耐用..真不銹鋼, 但價錢就好貴...雖然今次裝修費用我盡預計在本年度的財政數內, 還未動用同社基金, 但又好似好浪費.....成萬幾蚊訂套廚櫃, 真係有點兒過份..

今個星期我一定要落實啦!! 如果唔係龍舟鑼鼓嚮, 也未攪拈個廚房...??

鄧姑 · 發表於 2010-5-4 00:05:46

原帖由 marklau 於 2010-5-3 23:57 發表
廁所隻門？如果自己買料做一隻約六佰至七佰元鉛水料，不過會好重，大炮到打唔穿！！！！

劉華..辛苦晒...就交由你話事啦!!

重到大炮打唔穿????咁入去放炮咪...

仲要超用力...:

鄧姑 · 發表於 2010-5-4 23:58:49

原帖由 吳騰斗 於 2010-5-4 20:30 發表
清理化糞池側U渠淤塞渠道及雜草 (係咪屬於民政處負責? 係就快出招啦,社長?)1823 O.K

1823 O.K ---> ??????唔明解

哈哈..突然知喇..100%OK

鄧姑 · 發表於 2010-5-6 00:02:11

原帖由 marklau 於 2010-5-5 23:54 發表
噪音管制條例簡介

住用處所及公眾地方發出的噪音(第四及第五條)

住用處所或公眾地方所發出的噪音，是包括源自住用處所內的電視機、冷氣機或狗隻等的噪音，以及源自公眾地方的收音機、小販或揚聲器等的 ...

劉華...知道就好喇..已經有人對我地作出投訴....唔好再犯險喇...

今日下午入到小屋, 在廁所旁新建地上一站...聞到陣陣臭味...唔怪得有人找上門了....廁渠要快些裝好啦!!

鄧姑 · 發表於 2010-5-9 00:03:08

媽媽 Day...唔知有冇人入黎做野呢?

無所謂啦....鐘意而又得閒就入黎...

鄧姑 · 發表於 2010-5-9 00:27:19

原帖由 masir 於 2010-5-9 00:12 發表
劉華同苏璋晚上九時仍開緊工。我八時四十分走人。兩位師傅好嘢！明天我入嚟撐你！

係呀! 劉華同蘇彰每次在小屋也見他倆默默工作, 不計較..不怕苦..真的要好好表揚他們..

也真的很希望其他同社朋友也有這精神...明天是阿SO師傅的開工日, 想睇下他如何運用摩術手將舊變新..就快黎學野喇...

鄧姑 · 發表於 2010-5-10 19:39:00

完工啦。。。快完工啦，辛苦左幾個月。。。個個都做到O晒咀。。大家都要暫時透透氣啦！

過兩曰安裝好廁所門，木廚櫃黏好防火板。不銹鋼櫃約十日後送到，其餘都七七八八。。

星期六要清理好雜物。。。快。。快。。

[ 本帖最後由鄧姑於 2010-5-10 19:40 編輯 ]

鄧姑 · 發表於 2010-5-17 00:27:10

經過連日來的日日夜夜趕工....廚房的舊木櫃已全部翻新..很靚靚..

但就非常非常辛苦...在此多謝蘇偉基呀! 冇左佢就一定唔成事的...

唉..我都要透透氣...驚冇力行黃山及世博...

鄧姑 · 發表於 2010-7-1 13:22:38

剛剛在沙田小屋廚房清理完，發覺房內已開始堆放雜物，鋼台面上滿佈茶漬，希望大家合作用完廚房後自動自覺清潔，用完的柸碟茶具也請抹乾放回原位，謝謝！

[ 本帖最後由鄧姑於 2010-7-1 15:38 編輯 ]

		自動登錄	找回密碼
密碼			註冊