雲南賞花之旅~~14/5--26/5(13天)

鄧姑

原帖由 wendychun 於 2011-7-3 21:09 發表

...唔,其實仲有呢,
唔使按"瀏覽",直接按"發表回覆"都ok,
因為"瀏覽"睇唔到你d附件出唔出到....

好...好..解釋得好清楚.....同社網一於請美女欣做網站助理....(哈哈...不過係冇人工架)

鄧姑

停一停...隻油雞已經跳左6頁...利害....再賣油雞...今晚通宵都要賣晒佢......拿柸蔘茶...食油雞先....

鄧姑

Day 3 ~~~ 5月16日.....甲居...丹巴--红石灘--八美石林 --塔公草原--新都橋..

這天大部份時間都在趕路...但又遍遍遇上塞車..真氣人....幸好很快便疏通....中午在一間四方緣酒家吃飯, 大家記唔記得呀! 我一入酒店你地就大聲話同我擦鞋...嚇得我唔知發生咩事....原來這裡有部好靚的擦鞋機..幾先進呀!

這裡食飯大家可以走入廚房點菜, 見有咩就食咩..完全冇菜單的....

鄧姑

下午到塔公草原...見藏人悠閒地圍堆談笑....一片和諧不理世事.......途經八美石林...很奇怪...茂綠山嶺間會起異像...一堆堆的石林像假山堆砌...成奇景....塔公寺附近街道很整潔..你看街燈也很有特色...

鄧姑

這個精靈小孩便是在塔公寺出現...可憐小小年紀便曉得向人伸手取野食...是喜??是悲???熟耶??非耶??

鄧姑

下午途中所見的福楊樹..在秋天的時間是金黃一片的, 攝影家的取景重點, 但現在青綠蔥蔥, 我也覺得很好看呀!



[ 本帖最後由 鄧姑 於 2011-7-3 23:00 編輯 ]

鄧姑

路上看見兩位誠心的藏民正向他們的心中神跪拜....

鄧姑

晚上我們到達新都橋住宿於鑫康珠酒店....大家到達後都呱呱叫...吓..冇水..冇電..點算呀! 無辦法..全鎮停電喎..酒店的後備發電機只提供有限的電力..晚上趕快上床....大家渡過一個浪漫無燃的晚上...

而這是我們其中一個藏族司機巴九, 很虔誠不煙少酒的乖仔, 但身體健康其差, 整天也見他在食藥.....( 一個很大的誤會, 我們整天都叫佢"班鳩", 這是出發前小羅給我的名字, 怎料國內人言語溝通也有問題, 聽錯發音, 將"巴九" 讀成 " 斑鳩" , 所以唔好怪我地成日將"火腿"的發音讀成 " 佛腿" 呀!! 哈哈....)

鄧姑

Day 4 ~~~ 5月17日---新都橋-雅江--理塘--稻城

開始進入第4日....其實在第3日新都橋我已感到有高山反應, 晚上也睡得不好, 整天都有些昏睡...但今日我們要翻越幾個高山(海拔近5000多呎..) 雅江..理塘都有4000呎以上...辛苦呀....

一開車上山就見到一大片雲海, 是平生第一次看到如斯壯觀的雲海....

鄧姑

有些倒楣...其中一架車壞車呀! 停停等等返回理塘吃中午飯...這間又唔錯喎..d 野幾好食...窩麵雖然冇咩料, 但個個食到 " 唰唰 " 聲....

鄧姑

繼續趕路...中午時我們還是短袖T..好熱呀....點知架車行行下...嘩..又落雪..車頂 " 噹噹 " 響...咦..落狗C呀!!!

鄧姑

耳仔不停 " wun...wun.." 聲, 頭赤...我知高反又來了, 好在早有準備, 在出發那天已安排司機替我們買了好多盒"高原安", 真的很有效, 早午晚一次, 每次2粒...痛則消..OK喎!!

下山後..又趕呀..趕..但沿途卻美景依然, 所以也不覺太累....

鄧姑

晚上到達稻城...晚飯時有幾位團友不吃飯要休息, 已心知不妙...可能今日真的辛苦了...四位團友都有不同的不舒服, 但好似通通與高反沒有關係喎.....> 暫時啦..

我們便是住在這裡, 算是整個行程中五星級啦..有水..有電..大家都好滿足....我已3天冇沖涼喇...這晚洗得好痛快, 話之你高反啦!

鄧姑

Day 5 ~~~ 5月18日---稻城---日瓦--亞丁

今早起來..又有團友沒有下來吃早餐...經探望後, 那4位團友也覺得很辛苦不想再趕往亞丁, 因那裡海拔更高...影響身體會更不舒服, 反正我們從亞丁回來也是住在稻城這酒店, 所以便決定留下一架車及4位團友在稻城休息,

繼續行程便只是我們11人往亞丁了....車隊盤山而上..沿途景致也是美不勝收



[ 本帖最後由 鄧姑 於 2011-7-4 00:59 編輯 ]

鄧姑

途中還參觀了一間冇人免票的寺廟, 相對西藏的寺廟, 這裡規模就細得多了......