西藏美食推介
(1)羊肉燒烤是在宇拓路, 金谷飯店斜對面的一條小巷子裡, 不難找. 推介羊肉串, 羊腰子, 羊蹄及好脆卜卜的燒餅子。
(2)串串王在德吉中路巴比拉旁, 則一串串食物串好然後打邊爐食,超平..每串2-4毫..
(3)太陽部落, 在林廓東路吉雪旅館斜對面, 裝修好靚, 在西藏算是幾高級的餐廳, 一個人五十蚊左右,有西藏女仔唱歌及有國內體育電視睇..
(4)在太陽部落旁, 有一間叫誓言素食, 又是極端好食的素菜.... 雖然有少少齋口不齋心 (例如素回鍋肉), 但真是整得好好食. 有一味叫五谷豐收, 要試試.
(5)在遠少少, 太陽島有間晉風牛羊雜火鍋店, 都好正. 白湯加羊肚, 加少少腐乳, 最後配三個免費青筍尖, 入哂味!
(6)宇拓路個間新彊羊肉串..推介係羊蹄子..
(7)八廊街個邊既雪域.....lhasa kitchen.......
(8)老光明茶館既甜茶都唔錯........感受一下當地人既生活........
(9)格桑花香旅館既川菜..及老闆娘自己包的水餃超好食..
(10)薯伯的風轉咖啡室除左咖啡香外,仲有泰式野食∼∼冬陰公湯..青咖哩..及超大雞翼尖公仔麵..
(11)剛吉個牛舌最正∼∼∼創姑寺甜茶也好..
(12)拉薩驢窩-拉薩北京中路10號東措國際旅館門口,八廓街附近,廣東菜,有老火湯飲.
(13)阿吉阿米-八廓街東南角,著名藏餐館,曾是達賴六世偷會情人的地方,佈置有風味,提供中.西.藏.尼泊爾菜,天台可俯瞰八廓街街景,景觀不錯.
甜茶 跟酥油茶的分別..
甜茶 (CHA NGA MO), 是用奶粉, 磚茶煮成的, 味道跟港式奶茶有點像.
酥油茶 (CHA SU MA, 或 PO: CHA) 是用酥油, 鹽巴, 茶葉 打成, 味道鹹中帶酥, 有些人受不了.
[ 本帖最後由 鄧姑 於 2009-7-14 00:09 編輯 ] |