西貢白腊灣賞月之旅~~(3-4/10/09)

鄧姑 · 發表於 2009-9-11 21:42:48

位於西貢，水清沙幼、寧靜怡人的白腊灣，一向都是遊艇上岸嬉水之熱門地點。今年中秋我們便在這寧靜海灣唸詩賞月...觀日出....還可順道看看聞名的石柱群--六角石...遠眺破邊洲...萬宜水庫...

日期: 2009年10月3 ~ 4日(中秋節正日及翌日)

集合時間: 10月3日上午10時正

集合地點: 西貢海濱公園旁(近巴士總站)如圖~~

費用: 每位$230元(包住宿, 早, 午,晚三餐), 住宿地點:白腊灣百納漁農文化村莊渡假屋, 如不住渡假屋可自行扎營於沙灘樹林下, 則費用全免,三餐自備或在附近士多食餐旦麵/小菜...豐儉由人..或可往糧船灣食海鮮餐.
如只是住渡假屋而不要包餐, 住宿費約$120元. (報名時請大家註明, 以便安排),渡假屋內有冷氣, 沖涼房, 廁所及被鋪, 但是大房6-8人一間房.

行程簡介: 是日集合後將乘的士由西貢市中心直達白腊村村口, (的士由渡假村介紹, 費用只是$80元(4/5人夾車, 自費), 在村口下行石屎路約15分鐘直達海灘渡假屋, 放下重行裝後便前往萬宜水庫遊覽六角柱石..破邊洲....至下午午5時許回白腊灣晚餐,晚上於海灘賞月....翌晨可早起步行往木棉洞觀日出, 至中午往糧船灣食海鮮餐,乘船往西貢碼頭.

各有興趣的朋友請於網上報名以便安排一切...
截止日期: 愈早愈好..

[ 本帖最後由鄧姑於 2009-10-1 23:11 編輯 ]

鄧姑 · 發表於 2009-9-11 22:03:55

萬宜水庫六角形岩柱群的形成全因1億多年前的破火山爆發, 大量湧出的岩漿變成不同種類的岩石而成.

那為什麼岩漿會埋出六角形?? 原來很有趣味.

話說這破火山口曾連續數次火山爆發, 當地底巨大岩漿庫的岩漿火山灰.碎石噴湧而出後, 岩漿庫變得空洞, 火山口缺乏支撐而下陷, 形成巨大凹位, 當凹位載滿大量溶岩和火山灰, 火山灰直接接觸空氣後迅速冷卻, 并平均地收縮, 物理上最有效的冷卻是從六邊向內收縮, 所以形成六角形, 而岩石亦同時向下收縮, 故形成柱狀, 經億萬年後, 係億萬年後, 終於成仙>>>>>>>演變成-----萬宜水庫六角形岩柱群, 真係得來不易.

鄧姑 · 發表於 2009-9-15 00:06:06

冇人報名去賞月???.....我想知大家意下如何呢!! 因住宿床位有限, 大家有興趣就話我知啦..

我怕遲左冇宿位呀!!!

Rocky · 發表於 2009-9-15 09:21:23

鄧姑,
我一家會露營

鄭家恒 · 發表於 2009-9-15 16:57:42

露營?宿營wor!

Rocky · 發表於 2009-9-15 17:24:15

恒仔,係可以定宿位宿營同自已帶營具去露營都得,你去唔去?

何遠 · 發表於 2009-9-15 19:58:20

都幾好呀! 唔錯喎! 點解冇人報名呢........媽您稔稔先!

Ah_Chai · 發表於 2009-9-16 15:55:50

暫未定實！要宿位2至4個，食可能要預多幾個！日內覆實。

鄧姑 · 發表於 2009-9-17 11:30:03

由於那裡現時宿位有限, 約只有10多個, 大家未確實, 我便不敢落訂金,

所以希望大家如有興趣宿營的, 便要儘快決定喇, 否則宿位被人訂左, 到時我都沒辦法..最遲在本星期內便請決定喇,

至於去露營的...食宿一切就由自己決定啦!!

王婉平 · 發表於 2009-9-20 16:46:02

鄧姑：

請預我一個宿位不用包餐，羅生同波子露營，thanks。

波子媽

alice · 發表於 2009-9-21 20:49:08

請預我3個宿位,包餐, thanks a lot.

鄧姑 · 發表於 2009-9-22 11:37:47

大家實在太遲決定喇...早前我打電話去也有宿位..現在所有宿位也滿了, 全部都要扎營喇....

不過..在沙灘旁有廁所更衣室及一個露天沖涼房, 每次$10元....大家如要沖涼, 請備泳衣..

冇啦..冇得住喇..要訓營喇...如果冇營的, 那裡有得租...$200元營幕可住4人, 營內有厚墊...平均每人 $50元, 現我已訂了4個營, (只得4個, 想訂多d 都冇)..

手快有手慢冇...想要營的, 請快手...

[ 本帖最後由鄧姑於 2009-9-22 11:58 編輯 ]

鄧姑 · 發表於 2009-9-22 11:58:14

好快...好快..4個營都滿晒喇....冇位喇...

還有誰人去的也請報名, 因我已訂了2圍晚上中秋那天食飯的, 每圍預訂了一隻客家雞, 其餘菜餚到時再點,

要預人數呀!想齊齊做節食飯的, 請報名呀! 否則請自行自備乾糧..

.

[ 本帖最後由鄧姑於 2009-9-22 15:16 編輯 ]

鄧姑 · 發表於 2009-9-22 12:33:03

現報名人數如下:

1). 王婉平 x 3
2). 李妙勤 x 8
3). Rocky x 4
4).鄭倍倫 x 2
5).鄧姑 x 2
6).柯潔貞 x 2
7).潘淑芬 x 2
8).伍綺雯 x 1
9). 林永光 x 3

[ 本帖最後由鄧姑於 2009-9-26 22:14 編輯 ]

Rocky · 發表於 2009-9-22 14:47:14

家鄉雞??? KFC???

		自動登錄	找回密碼
密碼			註冊

西貢白腊灣賞月之旅~~(3-4/10/09)

回復 5# 鄭家恒 的帖子

回復 5# 鄭家恒的帖子