深度遊...探索無字石碑(11月8日)

鄧姑

石碑山位於石澳郊野公園大潭港之北面，山體不高，卻豎著一高巍石碑，由於全碑無字，故名為無字碑。此碑約高七、八米，呈方形，上有碑帽、下有基座，共分為六段。全碑用石建造，在外再塑上水泥，非常堅固。

除石碑山上有此無字碑外，位於白筆山（紅山半島）對下東南海邊亦有一座相同制式的石碑，兩碑遙遙相對。據說此兩碑是用作軍事用途，於二次大戰期間，英國潛艇駐防大潭港，兩碑是潛艇在水底瞭望的標誌，兩碑相對之中點，便是大潭港的之最深水處。惟大潭港水位並不太深，此說之真偽實存相榷餘地。



日期: 2009年11月8日 (星期日)
集合時間: 上午九時十五分
集合地點: 西灣河地鐵站恒生銀行
回程: 約下午五時
路程: 12KM
步行時間: ~4.5 hr
難度: 3粒 ★★★
領隊: 鄧姑




路程：  起點：大潭水塘道
大潭水塘道  港島徑第七段起點 （此段步程大約為 0.5 小時）
港島徑第七段起點  石碑山 （此段步程大約為 1 至 1.5 小時）
石碑山  大潭峽 （此段步程大約為 0.5 小時）
大潭峽  馬塘坳 （此段步程大約為 0.5 小時）
馬塘坳  砵甸乍山 （此段步程大約為 0.5 至 0.75 小時）
砵甸乍山  終點 （此段步程大約為 0.75 小時）
終點：小西灣

是日行程: 西灣河乘14 號巴士可直達。於大潭郊野公園分站下車後，沿「大潭篤會」路牌方向下走，當步過大潭童軍中心後便下抵大灣灣畔。接回大潭道接港島徑第七段之起點,沿引水道小徑，於標距柱H75 附近可見一跨引水道小橋，那便是上通石碑山之山徑起點...再沿石澳郊野公園行至小西灣散隊...

溫馨提示:
~~ 除帶備充足乾糧外，最好還備有或一些能即時補充體力的飽肚食物，如提子朱古力；
~~ 食水--最少帶備 2 公升食水；
~~ 路程頗長, 請做足防曬．
~~ 天氣炎熱請穿著快乾透風衣著, 以免中暑.....
~~  沿途沒有補給, 請備食糧

其他: 帽, 防曬用品, 風褸, 毛巾, 後備乾糧, 水果, 零食, 電筒, 行山杖, 地圖, 指南針, 急救藥品, 手提電話, 同埋要講低俾屋企人知... ...

免責聲明: 所有參與同社發起的活動都屬自願性質. 同社對於因籌辦或參加有關活動而可能直接或間接引致之任何損失、損壞或傷害(包括死亡),並不負任何法律承擔或責任(包括疏忽責任).

Source: http://www.hike-x.com/

[ 本帖最後由 鄧姑 於 2009-10-19 20:48 編輯 ]

鄧姑

GO~~~GO~~~GO~~~

天涼好過秋....踏山賞楓葉...

GO~~~GO~~~GO~~~

鄧姑

~~~~ 幣..原來我冇買香港島地圖..黎行山的朋友, 幫手帶張地圖黎丫..唔該晒...

socheung

弊！   開口就講錢 ------- 幣！

王婉平

鄧姑：

唔使 ，羅生有港島圖，明日會帶來行山

鄧姑

今日行山有朋友話, 以後行山要記下名字在網上, 睇下邊個最勤力..次次行山都黎喎...哈哈..0個個緊係...

今早大家都好準時喎!! 只係得我一個遲到..sorry...出席人數: 波仔/波子/波子媽, Rocky/星仔, 阿SO(偉基)及朋友, 阿聰, 阿華, 小朱, 鄭倍倫/珠女, 高輝/高太, 葉老爺/瓊姑, 伍綺雯, 阿齊, 梁林, 阿添, 高佬/Carman, 鄧姑..共23人, 近期行山今次算好多人...

行程比預期舒服, 除左大潭上引水道...我地選擇了15分鐘沿澗攀上激少少(條河乾枯...所以只係少激)....由引水道上無字石碑山路較悶熱..又曬又上斜...個個行到喘氣(20分鐘左右啦....), 上山途中阿星仔俾個捕暴獸器挾到腳, 俾我地見識下這個捕獸器的真貌....奇怪這條山路居然會有2個咁多.....之後所有路段都是平坦易行, 沿途景致風光如畫, 可飽覽紅山半島....東龍島...邊個話今日行程會比上星期日更辛苦...猛叫人唔好黎的. ..唔黎..你就中計喇...

今日有好多相機喎.....快d 貼d靚相上黎睇睇... 仲有多謝今日帶隊的鄭倍倫..阿齊..梁林..仲有好多唔太記得...

[ 本帖最後由 鄧姑 於 2009-11-9 10:03 編輯 ]

Ah_Chai

更正：是捕獸器，只有兩個。已被拆除及棄掉。

鄧姑

原帖由 Ah_Chai 於 2009-11-9 09:40 發表
更正：是捕獸器，只有兩個。已被拆除及棄掉。

Thanks!!已更改

aacheng

鄧姑

鄧姑

嘩...今日天氣好好呀...藍天白雲.....勁靚....